By: Dr. Muhammed Husain Mushahi Razvi
حبِ دنیا نے کیا خوب پریشاں ہم کو
بخش دیں اپنی وِلاسرورِ خوباں ہم کو
گر ملے ارضِ مدینہ تو کریں کیا جنت
رشکِ صد خلد ہے طیبہ کا گلستاں ہم کو
دشمنوں نے کیا حیران ہمیں شاہ ِرسل!
آس ہے آپ کی اے رحمتِ رحماں ہم کو
مدحتِ سرورِ عالم سے نہ کیوں رکھیں لگن
راحتِ قلب و جگر کا ہے یہ ساماں ہم کو
تابِ نظّارۂ سرکار نہیں کچھ ہم میں
کیسے کہہ دیں کہ دکھا جلوۂ جاناں ہم کو
قبر میں ان کی تجلی سے اجالا ہوگا
یہ صدا دیتی ہے ہر گورِ مسلماں ہم کو
شکر جتنا بھی کریں رب کا مشاہدؔ کم ہے
ہاں! وہی جس نے بنایا ہے ثناخواں ہم کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?