By: Dr.Muhammed Husain Mushahid Razvi
دونوں جہاں کے ملجا و ماوا ، آپ نبی پیارے پیارے
آپ کو رنج و بلا میں پکارا ، آپ نبی پیارے پیارے
آپ کا شہر ہے سب سے پیارا ، آپ کا روضہ سب سے نیارا
ہم عشّاق کے قبلہ و کعبہ ، آپ نبی پیارے پیارے
کنکریوں کو کلمہ پڑھایا ، ڈوبے سورج کو لوٹایا
بے شک معجزۂ سرتاپا ، آپ نبی پیارے پیارے
جس کو ملا ہے جو بھی ملا ہے ، بے شک آپ کے در سے ملا ہے
رب کی عطا سے آپ نے بانٹا ، آپ نبی پیارے پیارے
اُن کے کلام سے ہم نے جانا ، حُسنِ رسولِ پاک مُشاہدؔ
ہم کو رضا نے ہے سمجھایا ، ’’آپ نبی پیارے پیارے‘‘
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?