By: Mian Amar
تُو مجھ سے اِتنا بدگمان سا کیوں ہے
آخر کچھ تو بول بے زبان سا کیوں ہے
عشق کو تو ہونا چاہیے تھا فقط عشق
مگر یہ ایک کٹھن امتحان سا کیوں ہے
تُو ہے۔ درد ہے۔ اور ہیں تیری یادیں
پھر دل میرا اتنا ویران سا کیوں ہے
وہ جو اپنے آپ کو سمجھتا ہے پارسا
اگر فرشتہ ہے تو انسان سا کیوں ہے
میں نے ڈوب کر کی تیرے حکم کی تعمیل
اے نا خدا اب تُو پریشان سا کیوں ہے
شہرِ محبت میں اگر ہر ہاتھ میں ہے گُل
پھر ہر ایک سر لہولہان سا کیوں ہے
چاند کو چھونے کی ضد کرتا ہے اکثر
یہ دل بچے کی طرح نادان سا کیوں ہے
اِس نفسی‘ نفسی کے عالم میں رہ کر امر
فقط تُو ہی اتنا پریشان سا کیوں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?