By: Dr.Muhammed Husain Mushahid Razvi
ہوں کرتوتوں پہ اپنے میں پشیماں یارسول اللہ
پریشاں ہوں ، پریشاں ہوں ، پریشاں یارسول اللہ
تمہی ملجا ، تمہی ماوا ، تمہی داتا ، تمہی آقا
تمہی بے سروسامانوں کا ساماں یارسول اللہ
فلسطیں ، ہند میں ، صومالیہ ، یوگوسلاویہّ
ذلیل و خوار ہے ہر سُو مسلماں یارسول اللہ
تری الفت سے دوری نے دکھایا ہم کو دن ایسا
جوہیں حیراں ، پریشاں اور ہلکاں یارسول اللہ
کرم کیجے ہماری ابتری پر اے شہِ کونین
تمہی رحم وکرم کا ابرِ باراں یارسول اللہ
گناہوں کی جو عادت ہے کسی حالت نہیں چھُٹتی
بدل دیجے رُخِ امواجِ عصیاں یارسول اللہ
تمہارے پیاروں کے صدقے، وہی مارہرہ والوں کے
مشاہدؔ کو بنا دیجے ثنا خواں یارسول اللہ
٭
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?