By: FANA NIZAMI
گھر ہوا گلشن ہوا صحرا ہوا
ہر جگہ میرا جنوں رسُوا ہوا
غیرتِ اہلِ چمن کو کیا ہوا
چھوڑ آئے آشیاں جلتا ہوا
میں تو پہنچا ٹھوکریں کھاتا ہوا
منزلوں پر خضر کا چرچا ہوا
حُسن کا چہرا بھی ہے اترا ہوا
آج اپنے غم کا اندازہ ہوا
غم سے نازک، ضبطِ غم کی بات تھی
یہ بھی دریا ہے مگر ٹھیرا ہوا
یہ عمارت تو عبادت گاہ ہے
اس جگہ اک میکدہ تھا کیا ہوا
رہتا ہے میخانے کے ہی آس پاس
شیخ بھی ہے آدمی پہنچا ہوا
اس طرح راہ بر نے لُوٹا کارواں
اے "فنا" راہزن کو بھی صدما ہوا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?