By: Ishraq Jamal Ashar Chishti
یہ کس مقام پر اس نے گلہ کیا مجھ سے
طلب کیا ہے وفاؤں کا پھر صلہ مجھ سے
یہ واقعہ ہے کہ مجھ کو نہ اسکی حاجت تھی
وہ اپنی غرض سے آکر یہاں ملا مجھ سے
نہ میں حکیم و معالج نہ پیر و سنیاسی
خدا کے حکم سے تجھ کو ملی شفاء مجھ سے
یہ جاں بہ لب تھی سیاست جمود طاری تھا
کہ اس نے پائی ہے پھر سے یہاں جلاء مجھ سے
تباہ کر کے بھی دل اسکا مطمئین نہ ہوا
مگر وہ لے نہ سکا پھر بھی بدعا مجھ سے
کبھی مدینے کی گلیوں کا نور دیکھا ہے
سوال کرتی ہے اکثر یہ صباء مجھ سے
سبھی غرور و تکبر ہر اک ریاء کاری
کرم سے اسکے بالاخر ہوئیں فناء مجھ سے
مجھے قبول ہے مرنا نبی کے قدموں میں
یہ ہے جواب جو پوچھی میری رضاء مجھ سے
حسین آپکے قدموں کی دھول نے بخشی
کہ چھین لی تھی یزیدوں نے جو بقاء مجھ سے
پنپ سکا نہ پنپ پائے گا یہاں کوئی
کرنی ہے جس نے بھی اشہر کبھی دغاء مجھ سے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?