By: امر علوی
زندگی پر جو بار غم ٹھہرے
انکی نسبت سے محترم ٹھہرے
آستاں سے بڑھے تو روتے ہوۓ
جوبھی ٹھہرے باچشم نم ٹھہرے
زندگی تو وہیں پنپتی ہے
انکی جس جا نگہ کرم ٹھہرے
کتنی دنیا میں جنتیں دیکھی
مصطفے (ص) کے جہاں قدم ٹھہرے
معتقد جو رہے زمانے کے
ان سے ملکر اولوالعزم ٹھہرے
جنکو مازاغ کی نصیب ہوئ
میکدہ جہاں میں کم ٹھہرے
جب امر انکی مدحتوں کا ہوا
ہر حسیں لفظ پر قلم ٹھہرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?