By: Fazlul Hasan (Hasan Shamsi)
چاند کی ، قوس قزح کی ، کہکشاں کی ، بات کر
“ اے محبت اب ستاروں کے جہاں کی بات کر “
ذکر موسم کا ، سیاست کا ، گرانی کا ، نہ کر
چارہ گر سے آج بس درد نہاں کی بات کر
رزق تو مل جا ئے گا تھو ڑی مشقت سئ مگر
باغباں سے پر سکو ں اک آشیاں کی بات کر
تان کر سینہ نہ کہہ کوئ مخالف ہی نہ تھا
خوف سے جو چپ رہا اس بے زباں کی بات کر
تہمت غرقابی ساری نا خدا پر ہی نہ دھر
کچھ شکستہ ناؤ کی ، کچھ بادباں کی نات کر
چپ ہے ، لیکن خوش ہے بیتے کی ترقی دیکھ کر
بن دوا بستر پڑی اس بوڑھی ماں کی بات کر
ضد پہ قائم رہنے سے تو بات کچھ بنتی نہیں
رخ صلح انگیز اپنا ، در میاں کی بات کر
چھوڑ گڑھنا حسن والوں کے قصید ے ، اے ‘ حسن ‘
توڑ کر جو دل گیا اس مہر باں کی بات کر
( “ ۔۔۔۔۔“ مصرع طرح پر کہی گئی اک غزل )
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?