By: طارق اقبال حاوی
میرے پیکر میں تیری ذات کی تنصیب لازم ہے
بہت بکھرا ہُوا ہوں میں، اور اب ترتیب لازم ہے
عجب وادی ہے وحشت کی، اَٹی ہے دُھول نفرت کی
گھر کو گھر بنانے کو، نئی ترکیب لازم ہے
مدھر سے راگنی گائیں، چلو کہ جام چھلکائیں
میرے گھر میں ہو آئے تم، کوئی تقریب لازم ہے
جہاں پر چار ذہنوں میں، بھرا شر ہو، کدورت ہو
تو ہو لاحق قبیلے کو، کوئی تخریب لازم ہے
میری برہم مزاجی کا، نہیں مطلب میں ایسا ہوں
وہاں میں جُھک کے مِلتا ہوں، جہاں تہذیب لازم ہے
کرو تقسیم تم حاوی، سدا خیر و محبت ہی
کہ اب اِس دَورِ نفرت میں، یہی ترغیب لازم ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?