By: وشمہ خان وشمہ
ہے راہ مدینہ کی محبت مری منزل
اور ساقئی کوثر کی شفاعت مری منزل
ہر سال مدینے ہی بلائیں مجھے آقا
ہے ایک ہی یہ شوق زیارت مری منزل
مٹ جاتی ہے ہر ایک سیاہی مرے دل سے
رہتی ہے جو دن رات عبادت مری منزل
سرکار مرے سوئے مقدر کو جگا دو
ہو جائے نہ قسمت میں ندامت مری منزل
خوشیوں کے یہاں دل میں کئی پھول کھلے ہیں
دیکھی ہے جو بطحا کی محبت مری منزل
مجھ پہ مرے اللہ نے بہت کرم کیا ہے
رہتی ہے جو قرآں کی تلاوت مری منزل
مل جائے گی پھر مفت میں جنت مجھے وشمہ
ہو جائے جو آقا کی شفاعت مری منزل
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?