By: جونؔ ایلیا
ہجر کی آنکھوں سے آنکھیں تو ملاتے جائیے
ہجر میں کرنا ہے کیا؟ یہ تو بتاتے جایئے
جاتے جاتے آپ اِتنا کام تو کیجے مرا
یاد کا سارا سروساماں جلاتے جایئے
رہ گئی امّید تو برباد یو جاؤں گا میں
جایئے تو پھر مجھے سچ مچ بھلاتے جایئے
وہ گلی ہے اک شرابی چشم کافر کی گلی
اُس گلی میں جایئے تو لڑکھڑاتے جایئے
آپ کو جب مجھ سے شکوہ ہی نہیں کوئی، تو پھر
آگ ہی دل میں لگانی ہے؟ لگاتے جایئے
آپ کا مہمان ہوں میں، آپ میرے میزبان
سو مجھے زہرِ مروّت تو پلاتے جایئے
ہے سرِ شب اور مرے گھر میں نہیں کوئی چراغ
آگ تو اِس گھر میں جانانہ لگاتے جایئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?