By: Mohsin Bhopali
نظر مِلا کے زرا دیکھ مت جُھکا آنکھیں
بڑھا رہی ہیں نگاہوں کا حوصلہ آنکھیں
جو دل میں عکس ہے آنکھوں سے بھی وہ چھلکے گا
دل آئینہ ہے مگر دل کا آئینہ آنکھیں
وہ اِک ستارہ ہے جانے کہاں گرا ہو گا
خلا میں ڈھونڈ رہی ہیں نجانے کیا آنکھیں
غمِ حیات نے فُرصت نہ دی ٹھہرنے کی
پکارتی ہی رہی ہیں مجھے سدا آنکھیں
یہ اُس کا طرزِ تخاطب بھی خوب ہے محسن
رُکا رُکا سا تبّسم، خفا خفا آنکھیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?