By: muhammad nawaz
یہ جان تیری عنایتیں ہیں کہ میرے ہر سو محبتیں ہیں
چمن چمن میں نخل نخل میں تیرے ہی دم سے حرارتیں ہیں
تیرے لبوں کی نزاکتوں سے گلاب پاتے ہیں نازنینی
تیرے ہی مژگاں کی جنبشوں سے کھلی کھلی سی یہ کونپلیں ہیں
یہ ہرطرف جو ہے حسن پھیلا تیری نظر کاہے سارا جادو
تیرے ہی ہونے سے سارے بادل تیرے ہی ہونے سے بارشیں ہیں
کرن کرن میں ہے تیری رنگت چمک چمک میں ہے تیرا لہجہ
افق شفق کی یہ ساری لالی تیری حیا کی ہی صورتیں ہیں
جو تو نہ ہو تو کہیں بھی کوئی نہ رنگ پھیلے نہ روپ بکھرے
یہ سارے منظر یہ سارے موسم تیرے سراپے کی گردشیں ہیں
جو تو چلے تو بہار ساری تیرے قدم کا نشان ڈھونڈے
جو تو رکے تو برگ برگ میں کلی کلی میں شرارتیں ہیں
تو میری چاہت تو میری الفت میری محبت کا تو ہی محور
تیرے لئے ہی مجاز سارے تیرے لئے ہی حقیقتیں ہیں
یہ لفظ میرے دمک رہے ہیں تیری ہی یادوں کے جگنوؤں سے
تمہاری باتوں کی چاشنی سے ہی میرے شعروں میں دھڑکنیں ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?