By: وشمہ خان وشمہ
کر رہے ہیں یہ لال لال ہمیں
چاند جیسے یہ تیرے گال ہمیں
ٹوٹ جائے گا آئینہ دل کا
آ نہ جائے کہیں زوال ہمیں
ان کی تصویر خواب میں لا کر
یاد جاناں نہ کر نڈھال ہمیں
پیاسی آنکھوں کے رتجگے لے کر
دے دے رنگین ماہ و سال ہمیں
میرے بچوں کی بھوک مٹ جائے
بھیج روٹی پہ تھوڑی دال ہمیں
اور دنیا میں کچھ نہیں حاصل
شعر کہنے میں ہے کمال ہمیں
کیسے رکھا ہے آج بھی وشمہ
تیری آنکھوں نے یرغمال ہمیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?