By: Shafiq Murad-Germany
اس سے ملنے کا بند و بست کیا
ہم نے خود کو ہے لخت لخت کیا
اس کو چاہا ہے کتنی شدت سے
اس کو ہم نے ہے خود پرست کیا
وصل کی شب جنوں کے لمحوں کو
جب گزارا تو سرگزشت کیا
اس کو خود پر نہ اعتماد رہا
اس نے لہجے کو آج سخت کیا
اپنی سوچیں سمیٹ کر میں نے
دشتِ امکان کو ہے تخت کیا
یاد باندھی گرہ میں ہم نے مرادؔ
اور پھر یاد ہی کو رخت کیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?