By: Sobiya Anmol
بے یاروں سے جب سے یاری ہو گئی
زنجیرِ زندگی تب سے بھاری ہو گئی
رگِ جاں پہ جو ڈالا ہاتھ اُس نے
اِک اِک سانس پہ دُشواری ہو گئی
لُٹتے چلے آئے ہم راہوں میں
جیتی تھی جو بازی‘ ہاری ہو گئی
نہ دیا تُو نے اِک لمحہ بھی ہم کو
ہماری تمام زندگی مگر تمہاری ہو گئی
خوف آیا جب بھی تیرے ظلموں کا
لرزش سی ہم پہ طاری ہو گئی
آنسوؤں نے لکھ دئیے نصیب اپنے
زندگی سنگین ساری کی ساری ہو گئی
یہ لا کے کس موڑ پہ‘ گیا تُو چھوڑ کے
بے وجہ سی راہِ منزل ہماری ہو گئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?