By: Muhammad Faisal
زہے قسمت مدینے کا سفر ہے
زہے قسمت کہ قسمت اوج پر ہے
سراپا دید بن کر رہ گیا ہوں
مقابل روضۂ خیرالبشر ہے
تہی دامن میں حاضر ہو گیا ہوں
گریباں چاک ہے اور چشم تر ہے
فقط رحمت کا اُن کی آسرا ہے
وگرنہ پاس کچھ زادِ سفر ہے
طلب ہے کچھ نہ جاہ و مرتبہ کی
ہوس میری نہیں یہ مال و زر ہے
بقیعِ پاک میں ہو میرا مدفن
یہی وردِزباں شام و سحر ہے
زمیں پہ بھی یہاں زیرِ زمیں بھی
مجھے درکار اک چھوٹا سا گھر ہے
شفاعت میری ہو جائے خدارا
میری خواہش کرم کی اک نظر ہے
میرے فیصلؔ ہیں قلب و جاں وہاں پر
جہاں میرے نبی ﷺ کا مستقر ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?