By: mahmood hussain akif
جاتے جاتے نہ یوں چُرا نظریں
وقتِ دیدار ہے ملا نظریں
مرتے جاتے ہیں دیکھ کر تم کو
اہلِ دل سے ذرا بچا نظریں
ہر کوئی قید ہو رہا ہے یہاں
کیسا جادو رہی چلا نظریں
ہم نے نینوں سے جام پینا ہے
چند لمحے اِدھر ملا نظریں
با خُدا کچھ کسر نہیں رہتی
ایسے کرتی ہیں حق ادا نظریں
با حیا، با ادب، سلیقہ نواز
مجھ کو لگتی ہیں با وفا نظریں
دور بینی اِنہیں مُیسّر ہے
تم کو حاصل ہیں کیا بلا نظریں
تو نے سوچا ہے کیا کبھی عاکف
کتنی پیاری سی ہے عطا نظریں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?