By: Hafiz Abdul Rauf Rasikh
اسلام دبانے سے دبایا نہیں جاتا
کوشش سے عدو کی کچلایا نہیں جاتا
جس سر کو جھکایا میرے مولا تیرے آگے
وہ اور کسی در پہ جھکایا نہیں جاتا
رکھا تھا مخالف کی ہلاکت کے لئے جو
رستے سے وہ پتھر اٹھایا نہیں جاتا
غیرت کو جو بیچیں وہی امداد بھی پائیں
غیور کو ڈالر سے نہلایا نہیں جاتا
مے خانے کو جاتے ہوئے کچھ سوچ تو لیتے
یہ اور ہے کہ کعبے کو یوں جایا نہیں جاتا
سمجھایا ہے حاکم کو کہ ہے ظلم میں ظلمت
نادان ہے سمجھایا بجھایا نہیں جاتا
اسلام کی ضو سے جو روشن اے راسخ
پھونکوں سے چراغ ایسا بجھایا نہیں جاتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?