By: muhammad nawaz
مجھ سے پہلی سی محبت میری محبوب نہ مانگ
سب یہ کہتے ہیں کہ شادی سے درخشاں ہے حیات
یہ اگر ہو تو غم دہر کا جھگڑا کیا ہے
اس سے ہی سنتے تھے“عالم میں بہاروں کو ثبات“
اس کے بن اور بھلا دنیا میں رکھا کیا ہے
بیوی مل جائے تو گھر پر سکوں ہو جائے
یوں نہ تھا میں نے فقط چاہا تھا یوں ہو جائے
اور بھی غم ہیں زمانے میں اس پھڈے کے سوا
خود کشی کرنے کے رستے بھی اور کم ہیں بھلا؟
خواب تعبیر نہیں مانگتے یوں اوٹ پٹانگ
مجھ سے پہلی سی محبت میری محبوب نہ مانگ
ان گنت صدیوں کے تاریک بہیمانہ ستم
نیم مردہ سے نظر آتے ہیں شوہروں کے جسم
خاک میں لتھڑے ہوئے پسینے میں نہائے ہوئے
ٹولیاں بچوں کی کاندھوں پہ بھی اٹھائے ہوئے
جا بجا ُپٹتے ہوئے دیکھے ہیں ان آنکھوں سے
کان پکڑائے ہوئے،پسلیاں تڑوائے ہوئے
لوٹ جاتی ہے ادھر کو بھی نظر کیا کیجئے
اب بھی دلکش ہے یہ میک اپ مگر کیا کیجیے
خواہ مخواہ مار دوں میں موت کے کنویں میں چھلانگ
مجھ سے پہلی سی محبت میری محبوب نہ مانگ
۔۔۔۔۔۔۔۔ فیض کی روح سے معزرت کے ساتھ۔۔۔۔۔کمزور دل حضرات احتیاط سے پڑھیں۔۔شکریہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?