By: UA
سوانح حیات لکھوں گی ریٹائیرمنٹ کے بعد
اپنے حالات لکھوں گی ریٹائیرمنٹ کے بعد
سیاہ و سفید کا تذکرہ ابھی سے کرنا سہل نہیں
رات کو رات لکھوں گی ریٹائیرمنٹ کے بعد
جی حضوری کے چکر میں کچھ کا کچھ کہنا پڑتا ہے
کَھل کے ہر بات لکھوں گی ریٹائیرمنٹ کے بعد
جن کا چاہ کے بھی اب تک اظہار نہیں کر پائی ہوں
وہ سب خیالات لکھوں گی ریٹائیرمنٹ کے بعد
کیا کھویا کیا پایا ہے میں نے اتنے برسوں میں
ایک ایک بات لکھوں گی ریٹائیرمنٹ کے بعد
سوانح حیات لکھوں گی ریٹائیرمنٹ کے بعد
اپنے حالات لکھوں گی ریٹائیرمنٹ کے بعد
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?