By: dr.zahid sheikh
ہے خزاں زندگی بہار نہیں
زندگی میں کہیں قرار نہیں
کیسے کہہ دوں میں سوگوار نہیں
درد و غم کے سوا بھلا کیا ہے
زندگی آنسوؤں کا دریا ہے
زندگی سے ہمیں ملا کیا ہے ؟
ایک چبھتا ہوا سا نشتر ہے
زندگی خار دار بستر ہے
زندگی سے تو موت بہتر ہے
ہم نے مشکل سے یہ گزاری ہے
زندگی مفلسوں پہ بھاری ہے
بازی ہر ایک ہم نے ہاری ہے
اپنی منزل کے اک نشاں کے لیے
ہم بھٹکتے ہیں کارواں کے لیے
زندگی تو ہے امتحاں کے لیے
اب تو خود پہ بھی اعتبار نہیں
ہم کو قسمت پہ اختیار نہیں
سچ تو ہے موت ناگوار نہیں
ہے خزاں زندگی بہار نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?