By: Azra Naz
مانگی ہویٔ سوغات نہیں چاہیۓ مجھ کو
حق دیجیۓ خیرات نہیں چاہیۓ مجھ کو
تار یکی میں امید کا جگنو ہی بہت ہے
تاروں سے بھری رات نہیں چاہیۓ مجھ کو
ہر چہرا جہاں لگتا ہو جذبات سے عاری
وہ شہرِ خرابات نہیں چاہیۓ مجھ کو
جو جسم کے ہمراہ مری روح جلا دے
وہ گرمئی جذبات نہیں چاہیۓ مجھ کو
بیزار ہوں اس بازیٔ الفت سے میں دلبر
ہر لمحہ نییٔ مات نہیں چاہیۓ مجھ کو
انجام ہو لکھا ہوا پیشانی پہ جس کی
اک ایسی شروعات نہیں چاہیۓ مجھ کو
توُ ساتھ مِرے رہ کے مِرےساتھ نہیں ہے
اب اور ترا ساتھ نہیں چاہیۓ مجھ کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?