By: Wasim ahmad Moghal
شہادت کا لہو مہنگا بہت ہے
یہ سب واضح ہے کچھ مبہم نہیں ہے
یہاں پر ہر کوئی وانی ہے وانی
یہاں کوئی کسی سے کم نہیں ہے
شہادت ہی ہے اب منزل ہماری
یہ جذبہ اب کہیں مدھم نہیں ہے
یاں سارے جبر کے ہوتے ہوئے بھی
کسی بچے کا سر بھی خم نہیں ہے
ہمارے جذبے کو کوئی دبا دے
کسی دشمن میں اتنا دم نہیں ہے
یہی دنیا ہمارے ساتھ ہو گی
اگرچہ اب کوئی محرم نہیں ہے
ہمارا شہر ڈوبا ہے لہو میں
ابھی تک یاں کوئی ملزم نہیں ہے
یہاں پر سب فرشتے ہیں فرشتے
یہاں پر کوئی بھی مجرم نہیں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?