By: Azra Naz
جب اِس دل میں غم بھی تھا
خوشیوں کا عالم بھی تھا
جب وہ مجھ سے دُور گیا
تھوڑا سا برہم بھی تھا
ہم پیاسے کے پیاسے تھے
ساون گرچہ نم بھی تھا
منزل بھی دشوار نہ تھی
ہم میں تھوڑا دم بھی تھا
بھولنا اس کی عادت تھی
نقش میرا مدھم بھی تھا
تیری چاہت جادو تھی
بہکا سا موسم بھی تھا
دشمن ٹھہرا جو میرا
وہ میرا ہمدم بھی تھا
اس کی شیریں باتوں میں
تھوڑا تھوڑا سم بھی تھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?