By: NEHAL GILL
سُوٹ گلابی تُوں پا کے نکلی،
رُوپ نُوں اور سجا کے نکلی،
لُٹ کے لے گئی مینوں تُوں
کولوں جد تُوں شرما کے نکلی،
اکھیاں وچ جام جے بھر کے تُوں
نیناں نال جام پلا کے نکلی،
معشوم جے چہرے والی لڑکی
دیوانہ مینوں بنا کے نکلی،
سر تو لے کے پیراں تک
اپنا آپ چمکا کے نکلی،
مارن دا ارادہ اُوہدا
مُک تے زلف گرا کے نکلی،
ہونٹ گلابی سُوٹ گلابی
شرم و حیا چھپا کے نکلی،
لگے کوئی شہزادی جیوے
خود نُوں اِنجھ منوا کے نکلی،
صدقے یار حُسن تے اُوہدے
حُسن نُوں حسُن وکھا کے نکلی،
سر پڑ کے سب بہہ گئے سوہنے
سوہنیاں دے ہوش اُڑا کے نکلی،
آئی بہانے نال اُوہ نیڑے
جلوہ اپنا اُوہ وکھا کے نکلی،
چن تو سوہنی صورت اُس دی
چن نُوں مگری لا کے نکلی،
تارے اُونوں ویکھن آئے
جد اُوہ رُوپ سجا کے نکلی،
کرکے اکھیاں نال اشارہ
پیار دی گل سمجھا کے نکلی،
سُوٹ گلابی چ قیامت ورگی
قہر دلاں تے مچا کے نکلی،
کھڑ کے میرے سامنے آکے
غزل پِھر اِک لکھا کے نکلی،
ہولی ہولی میرے نیڑے آئی
چھلے نال چھلا وٹا کےنکلی،
نہال میری اج قسمت کُھل گئی
پیار نال جان بلو کے نکلی،
سُوٹ گلابی تُوں پا کے نکلی،
رُوپ نُوں اور سجا کے نکلی،
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?