By: Basheer Badr
وہی تاج ہے وہی تخت ہے وہی زہر ہے وہی جام ہے
یہ وہی خُدا کی زمین ہے یہ وہی بتوں کا نظام ہے
بڑے شوق سے میرے گھر جلا، کوئی آنچ تجھ پہ نہ آئے گی
یہ زباں کسی نے خرید لی، یہ قلم کسی کا غلام ہے
یہاں ایک بچے کے خون سے لکھا ہوا ہے اسے پڑھیں
تیرا کیرتن ابھی پاپ ہے ابھی میرا سجدہ حرام ہے
میں یہ مانتا ہوں میرے دیئے تیری آندھیوں نے بجھا دیئے
مگر ایک جگنو ہواؤں میں ابھی روشنی کا امام ہے
میرے فکر و فن تیری انجمن، نہ عروج ہے نہ زوال ہے
میرے لب پہ تیرا ہی نام تھا میرے لب پہ تیرا ہی نام ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?