By: Dr.Muhammed Husainb Mushaid Razvi
جو عشقِ محمّد میں سرشار ہوگا
مُیسّر اُسے جلوۂ یار ہوگا
وہ وحدانیت کا پرستار ہوگا
رسالت کا جس دل میں اقرار ہوگا
شفاعت وہ کردیں گے جس اُمّتی کی
وہ جنت میں جانے کا حقدار ہوگا
نبی کو بشر اپنے جیسا کہے جو
وہ گستاخ دوزخ کا حقدار ہوگا
رہے گا رضا کے جو مسلک پہ قائم
ادب والا ہوگا خوش اَطوار ہوگا
ہے ایمان اپنا نبی کی محبت
مُشاہدؔ اُنھیں ہم سے بھی پیار ہوگا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?