By: سرور فرحان سرورؔ
مارکیٹ گئے تھے لینے کُچھ سامان وغیرہ
ہر گِز نہ تھا بیماری کا اِمکان وغیرہ
گرمی تھی، پیاس تھی، اور پیسے بھی پاس تھے
ڈھونڈنے لگے، کولڈ ڈرنک کی دُکان، وغیرہ
لسّی نہ کولڈ ڈرنک کی ہم کو دُکاں ملی
فُٹ پاتھ پہ تھا قُلفی کا احسان، وغیرہ
بچپن کا شوق مچل گیا، قُلفی کی دِید سے
تھا قُلفی والا بھی ذرا حیران، وغیرہ
دو چار نہیں، کھا گئے ہم قُلفی پُوری بیس
بس ہو گیا، اِس سے ہمیں نُقصان، وغیرہ
اسپتالوں کے اب چکّر لگاتا ہوں شب و روز
آفت میں آگئی ہے، میری جان، وغیرہ
سرور، میانہ روی ہے، ہر چیز سے فزوں
ورنہ بھُگتنا پڑتا ہے، بھُگتان، وغیرہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?