By: وشمہ خان وشمہ
تم ہی بتاؤ عشق کے بیمار کیا کریں
ہونٹوں پہ گل کھلائیں کیا، سنگھار کیا کریں
جس نے بھی چاہا پیار سے دیکھو اڑا لئے
غزلوں کے قیمتی مرے اشعار کیا کریں
یہ پیار ہے تو ہے یہ مرے دل کا معاملہ
ہوتا ہے ایک بار تو ہر بار کیا کریں
کچھ کام اپنی سوچ سے ہٹ کر بھی کیجئے
سر پہ تمہارے دیکھ لی دستار ، کیا کریں
اب آ بھی جاؤ زندگی کی شام ہو چلی
بن آپ کے ادھورا ہے سنسار کیا کریں
آنکھوں میں حسرتوں کے بھی موتی نہیں رہے
ہاتھوں میں رہ گئے ہیں ترے خار کیا کریں
جو کچھ کہا ہے آپ نے ہم کو قبول ہے
وشمہ تمہاری بات پہ تکرار کیا کریں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?