By: ذوالفقار نقوی
تیری پرکار، دائرے سارے
پیچ و خم دار زاویے سارے
پاؤں رکھنے کی سوچ آتے ہی
پھوٹ پڑتے ہیں آبلے سارے
خوف ہے اِس قدر تمازت کا
ماں نے بچے چھپا لئے سارے
تیری یادوں کا تھا کوئی نشتر
زخم جس نے جگا دیے سارے
تیرگی جشن ہی منا لیتی
گر نہ جلتے یہ قمقمے سارے
پھول کو خار سے ڈراؤ مت
اس نے دیکھے ہیں مرحلے سارے
صورتیں عکس کے منافی ہیں
بے خبر کیوں ہیں آئینے سارے؟
چاک ہے پیرہن گلِ تر کا
ہو گئے ختم فاصلے سارے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?