By: Rana Tabassum Pasha(Daur)
جب بھی تجھ کو یاد کیا
اپنے جیون کو ناشاد کیا
دل کی بستی اُجڑی تو
درد سے اُس کو آباد کیا
عداوت میں ہم ناکام رہے
محبت نے ہم کو برباد کیا
خود ہی اپنا چین لُٹا کر
کرنا تقدیر سے فریاد کیا؟
ڈور سانسوں کی، زنجیر تھی
اِک ہچکی نے ہم کو آزاد کیا
وہ رُوٹھ کے خود ہی لوٹ آیا
جب ستم نیا کوئی ایجاد کیا
عشق و عقل دونوں میں رعنا
میں نے قائم اِک الحاد کیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?