By: Dr. Masood Mehmood Khan
بادلوں کا گلدستہ ہر صبح سجاتاہے
کون آسمانوں پر جشنِ گل مناتاہے
بادلوں کے رستے میں کچھ تو مشکلیں ہونگی
ورنہ سست گامی سے روز کون جاتاہے۔
سینکڑوں ستارے راہ چاندنی کی تکتے ہیں
کوئی جگمگاتا ہے کوئی ٹوٹ جاتاہے
لاکھ غم چھپائے ہیں آسماں نے سینے میں
ورنہ اس طرح آنسو کیوں کوئی بہاتاہے
بارشوں کے موسم میں کچھ عجیب ہوتا ہے
جیسے اپنا منہ ہم سے آسماں چھپاتاہے
کینوس بنایاہے آسمان کو کس نے
نقش اک بناتا ہے نقش اک مٹاتا ہے
اک طرح کے رنگوں سے اتنے مختلف خاکے
کوئی دستِ کامل ہی ہر گھڑی بناتا ہے
یوں تو دور رہتاہے آسمان ہم سب سے
اڑنا چاہے کوئی تو اس کے پاس آتا ہے
آسمان پر مسعود اپنا گھر بنالینا
ہر نگر کا نظارہ دیکھنے میں آتاہے۔
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?