By: سلمٰی رانی
قصہ اور کہانی چھوڑو
باتیں دوست پرانی چھوڑو
تم کیسے ہو کچھ تو بتلاؤ
برکھا رت طغیانی چھوڑو
گزرے لمحوں سے کیا مطلب
کس نے کس کی مانی چھوڑو
عمر کی دیوی چینخ رہی تھی
اب تو یہ نادانی چھوڑو
کن آنکھوں میں شوخی ہے اب
کن آنکھوں میں پانی چھوڑو
چاندی سر سے جھانک رہی ہے
بچپن اور جوانی چھوڑو
تیری دنیا کی سچائی
ہم نے ہے پہچانی چھوڑو
سب کا ثانی مل جاتا ہے
کون ہے یاں لاثانی چھوڑو
کل وہ شخص ملا تو بولا
شہر نہ سلمیٰ رانی چھوڑو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?