By: Fazlul Hasan
کوئی تو ہمیں بھی بتلا دے وہ روضئہ اطہر کیسا تھا
طیبہ کی منور نگری میں وہ نور کا پیکر کیسا تھا
چالیس نمازیں پڑھ کے جہاں حقدار ہوئے سب جنت کے
وہ مسجد نبوی کیسی تھی سرکار کا منبر کیسا تھا
شرمندہ رہے جن کے آگے شاہان جہاں کے تخت و تاج
وہ کالی کملی کیسی تھی وہ خاک کا بستر کیسا تھا
اخلا ق سے عاری بڑھیا کو بھی بخشا عیادت کا تحفہ
وہ صبر کا پیکر کیسا تھا وہ ظرف کا مظہر کیسا تھا
لرزاں ہوئے جب باطل کے قدم کنکریاں بنیں سب تیر و تفنگ
وہ ہاتھی کی فوجیں کیسی تھیں وہ چڑیوں کا لشکر کیسا تھا
بتلا دو حسن جس نے دیکھا محسوس وہی کر سکتا ہے
الفاظ میں کہنا مشکل ہے واں طیبہ کا منظر کیسا تھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?