By: وشمہ خان وشمہ
رحمتِ دو جہاں روشنی آپ ہیں
شاہِ کون و مکاں کے نبی آپ ہیں
آپ ہوتے نہ گر کچھ بھی ہوتا نہیں
باعثِ کن فکاں بندگی آپ ہیں
آپ نے سب کو رب سے مِلایا یہاں
رہبرِ انس و جاں ، ہر خوشی آپ ہیں
بے زباں جانور استغاثہ کریں
مرکزِ بے اماں آپ ہی آپ ہیں
آپ ہیں نائبِ خالقِ کبریا
نازشِ مرسلاں امتی آپ ہیں
آپ آئے تو ظلمت جہاں سے چھٹی
نورِ رب بے گماں زندگی آپ ہیں
وشمہ مجھ پہ ہے ان کا یہ لطف و کرم
آپ ہیں مِہرباں اور سخی آپ ہی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?