By: Dr.Muhammed Husainb Mushaid Razvi
غم نے کیا ہے یہ حال آقا
دل ہوگیا پائمال آقا
ہر عادتِ بد مری چھڑادیں
کردیں مجھے خوش خصال آقا
اِتراتے پھر رہے ہیں جو نجدی
کب ہوگا اُنھیں زوال آقا
واللہ! میں ہوں غلام جس کا
وہ میرا ہے ’’بے مثال‘‘ آقا
ہیں شمس و قمر بھی آپ کے محکوم
آپ کے ہیں ماہ وسال آقا
قبضہ میں خدا نے دے دیا ہے
ہے جس قدر مُلک و مال آقا
ہو ظاہر و باطن ایک جیسا
ہو میرا یوں حال و قال آقا
رضوی ہو راہ ، حنفی منزل
بھٹکوں نہ مجھے سنبھال آقا
ہو کاش مُشاہدہ ، مُشاہدؔ
دیکھوں رُخِ پُر جمال آقا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?