By: dr.zahid sheikh
ذکر کیسا اس آشنائی کا
وہ تو قصہ ہے بے وفائی کا
کوئی منزل نہیں نہ شوق سفر
غم بھلا کیوں ہو نارسائی کا
ہم کہ ٹھہرے تری نظر میں برے
مل گیا یوں صلہ بھلائی کا
غم سے آزاد ہو نہیں پاتے
شوق کس کو نہیں رہائی کا
اپنی ہی ذات کے پجاری ہیں
جن کو دعوا ہے پارسائی کا
تجھ سے دوری کا رنج ہے مجھ کو
غم تجھے بھی تو ہے جدائی کا
بات کچھ بھی نہیں مگر زاہد
بن گیا ہے پہاڑ رائی کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?