By: وشمہ خان وشمہ
اے محبت سوچنا تو بھی کبھی آرام سے
کیا ملا تجھ کو سرِ بازار اس نیلام سے
رنج و غم کی بارشیوں میں تو رسوا ہوئی
حرف تجھ پر بھی تو آیا گردشِ ایام سے
غزل لکھ کر حوصلہ میں تو یہاں باقی رہی
تو بتا کیا تونے پایا اس دلِ گمنام سے
جھولیاں بھرتی رہیں آنکھوں کی میرے اشک سے
ہوگئ سیراب میں ہر بے وجہ الزام سے
منزل مقصود وشمہ کے لیے ہے منتظر
رائیگاں ہے اس لئے شکوہ میرا اس گام سے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?