By: وشمہ خان وشمہ
یہ ہو بھی سکتا ہے جب اس پہ اعتبار کروں
میں اپنی ذات کو خود سے الگ شمار کروں
نگاہ ناز میں قصے نہیں وفا کے میاں
جو دل کی دھڑکن کو پھر سے بیقرار کروں
جو اس کی راہ محبت پہ میرا نام ہے کند
جہانِ دل کو یہاں کیسے داغدار کروں
وہ چھین سکتا نہیں جگ میں یہ وفائیں کیوں کہ
میں تو مر کر بھی یہاں اس پہ جاں نثار کروں
قدم قدم پہ ہیں اس کے لیے یہاں مقتل
یہ بات سچ ہے مگر کیسے آشکار کروں
ہر ایک پل ہی یہاں لوگ درد سہتے ہیں
ہر ایک آنکھ میں آنسو ہی میں شمار کروں
دیار غیر میں رہتے ہوئے یہاں وشمہ
میں اپنے آپ کو کس راہ میں شمار کروں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?