By: M Usman Jamaie
گیلری میں دھرا ہے اک گملا
جس میں دو پھول مسکراتے ہیں
ساتھ رکھا ہوا ہے جو پنجرہ
اس میں کچھ پنچھی گیت گاتے ہیں
اُس طرف کھڑکی پر لگی تصویر
فصلِ گُل کا حسین منظر ہے
اور پیشانی پر کواڑوں کے
پینٹنگ سے چھلکتا ساگر ہے
دائیں دیوار پر خزاں کا عکس
زرد پتے بکھیرے رہتا ہے
بائیں دیوار پر گھٹا کا رقص
ایک تصویر گھیرے رہتا ہے
پائنتی پر پلاسٹک کے گلاب
اپنا بے بو وجود رکھتے ہیں
یہ تراشیدہ میرے سارے سراب
روزوشب مجھ کو ایسے تکتے ہیں
جیسے خنداں ہوں خواہشوں پہ مری
جیسے میرا مذاق اُڑاتے ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?