By: UA
اظہار ہو اقرار ہو اس پار بھی اس پار بھی
بن جائے کوئی داستاں اس پار بھی اس پار بھی
دل تھوڑا پر سکون ہو تھوڑا ہو بیقرار بھی
انکار میں اقرار ہو اس پار بھی اس پار بھی
آنکھیں ہوں بیدار بھی آنکھوں میں ہو خمار بھی
بن جائے کوئی داستاں اس پار بھی اس پار بھی
مزاج ہوں بہکے ہوئے خود پہ ہو اختیار بھی
خاموش لب کچھ نہ کہیں آنکھیں مگر باتیں کریں
دل سے دل جو کی بات ہو اس پار بھی اس پار بھی
بن جائے کوئی داستاں اس پار بھی اس پار بھی
خاموشی میں اک راز ہو اس راز میں جو بات ہو
کوئی نہ جان پائے وہ کوئی سمجھ نہ پائے وہ
تکرار ہو اقرار ہو اس پار بھی اس پار بھی
بن جائے کوئی داستاں اس پار بھی اس پار بھی
یوں تیرگی کھو جائے گی روشنی ہو جائے گی
دل کا چمن کھل جائے گا موسم بہار آئے گا
اور زیست نکھر جائے گی اس پار بھی اس پار بھی
بن جائے کوئی داستاں اس پار بھی اس پار بھی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?