By: Ibn.e.Raza
مداوا نہیں ممکن تماشہ بھی نہ دیکھے
جو ہنستے نہیں دیکھا تو روتا بھی نہ دیکھے
ہے جانا ہی جو اُسکو تو جاتے ہوے مُڑ کے
وہ بہتا مِری آنکھوں سے جھرنا بھی نہ دیکھے
مِرا منتظر چہرہ کبھی اپنی محبت میں
جو روشن نہیں دیکھا تو بجھتا بھی نہ دیکھے
گزر ہی گئی ہے زندگی اُس نے مگر مجھکو
نہ جیتے کبھی دیکھا تو مرتا بھی نہ دیکھے
خدا خیر کرے خبر اُس کی نہیں کب سے
وہ سکھی رہے ہر دم میرا سایہ بھی نہ دیکھے
دلِ ناداں کچھ تو حوصلہ اب کرو تم بھی
نیٔا شمس ِچاہت وہ اُبھرتا بھی نہ دیکھے
(بحر طویل مثمن سالم ۔۔۔فعولن مفاعیلن فعولن مفاعیلن)
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?