By: وشمہ خان وشمہ
کاوش 3 دیا جیم مشاعرہ
۔۔۔۔۔۔۔۔
ہم کو ہر پل ہی آزماؤ تم
دل لگی میں بھی مسکراؤ تم
جس نے رکھی ہے آبرو جگ میں
اس کو نظروں سے مت گراؤ تم
اور بڑھتی ہے روشنی مجھ میں
آگ دل میں اگر لگاؤ تم
تم نے نفرت کی انتہا کر دی
اب محبت نہ آزماؤ تم
پیاس آنگن میں بڑھ رہی ہے مرے
اپنی آنکھوں سے کچھ پلاؤ تم
عشق ڈستا ہے رات دن مجھ کو
درد زخموں پہ مت لگاؤ تم
مجھ کو مارا ہے چبھتے فقروں سے
کاش کچھ پل ہی مان جاؤ تم
دھوپ چبھنے لگی ہے وشمہ جی
اپنی دنیا میں لوٹ جاؤ تم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?