By: M Usman Jamaie
ہمارا ہونا
سمندر میں جزیروں سے
کسی پتھریلے بندی خانے میں
تنہا اسیروں سے
ہم، آوازوں کی بستی میں
سدا محرومِ گویائی
ہمارے لہجے کی قسمت
ہمیشہ ناشناسائی
ہماری گفتگو کا ایک ہی انجام
رسوائی
ہر اک اظہار اپنا ہے تماشا،
سب تماشائی
سوا، تنہائی یادوں میں
کوئی منظر نہیں رہتا
کہ ہم جو گھر میں بس بھی جائیں
تو وہ گھر نہیں رہتا
مقدر خاک،
رہنا بے وطن تقدیر ہے اپنی
قبیلہ اور نہ کوئی خانداں زنجیر ہے اپنی
کہیں پر تذکرہ جو ہو ہمارا لازمی لکھنا
تو نامعلوم لکھنا
ناشناسا
اجنبی لکھنا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?